- SPADIX
- SPADIXinter equorum colores, Virgilio Georgic. l. 3. v. 82.----- ----- ----- honestiSpadices glaucique -----Ad quem locum Servius, Spadices, inquit, phoeniciatos vocant, id est, professos myrteos, ipsi sunt badii. Nempe ςπάδιξ, ut habet Pollux, est ῤάβδος φοίνικος, et Gellius, avulsus a palma termes cum fructu: inde spadix et phoeniciatus et phoeniceus color in equo. Idem Gellius l. 2. c. 26. Rutilus et spadix phoenicei συνώνυμα, exuberantiam splendoremque significant ruboris, quales sunt fructus palmae arboris nondum Sole incocti, unde spadicis et phoenicei nomen est. Ita in curulî certamine Il. ψ. insignis equus describitur v. 454.Ὥς τὸ μὲν ἄλλο τόϚον φοῖνιξ ἦν εν δὲ μετώπῳΛευκὸν σημ᾿ ἐτέτυκτο, περίτροχον ἠΰτε μκ´νη.Qui quoad coetera phoentceus erat, sed in fronteCandida nota erat orbicularis instar lunae.Ubi vetus Scholiastes, φοίνικα exponit πυῤῥὸν, i. e. rufum. Sed et in Eliacis Pausaniae, Cleosthenis equorum unus Phoenix a colore dictus est. Et de Seiani equo, colore phoeniceô, eôque exsuper antissimô fuisse, Gellius ait l. 3. c. 9. Et fortasse indidem badius, pro baidius; namque Bai hodieque est palmae ramus Aegyptiis, unde βαῒς et βαΐον Graece. Vide supra in voce Badius, item Phoeniceus, et plura hanc in rem, apud Bochart. Hieroz. Part. prior. l. 2. c. 7. ubi ei in quarta ZAchariae quadriga, c. 6. v. 7. equi Gap desc: Hebrew non quidem purpurei, quales nulli dantur, sed spadices sunt, quorum rubor est ὀξύτερος, excitatior, et plus haber vigoris atque luminis. Adde Salmas. ad Solin. p. 409. et 1329.
Hofmann J. Lexicon universale. 1698.